Komentaryo: Surigao City Supak Nga Masiyudad Ang Tandag?  

In My Lantawan ni Willy Evangelio 

Ang organisadong League of Cities sa tibuok Pilipinas misupak nga ang Tandag mahimong siyudad, sa rason nga mawala kanila ang P3milyones kada tuig isip deduction sa ilang madawat nga Internal Revenue Allotment (IRA).

Mao kini ang gihunghong kanako karong bag-o ni Mayor Ayek Pimentel. Ang gimahayan ni Mayor Ayek matod niya, mao ang City Officials sa Surigao City tungod kay miapil usab diay sila pagsupak aron mapugngan ang Tandag pagkasiyudad.

Pastilan, bisan ang igsuong siyudad sa Caraga Region, mao pay misupak sa kalamboan sa iyang silingan!

Dili tingali gusto sa mga Surigaonon nga makaapas ang Tandag City sa Surigao City. Ah, kagrabe sab! Bisag unsaon pa, di na man gyud hinuon makaapas ang Tandag sa Surigao City. Pero dili kakompiyansahan, basin mamilagro.

Apan ang ato unta nga malipay ang taga Surigao City nga adunay manghod nila nga siyudad sa Caraga Region nga mao ang Bislig City ug ang Tandag City, nga unta matabangan sa kalamboan. Ugaling kay di man lagi magparehas ang batasan sa mga opisyales.

Dunay mga nangatungdanan sa mga siyudad nga dili na molingi sa kauban nilang lungsod o siyudad. Palabihon nila ang kadalo sa kalambuan imbes nga motabang.

Ang pagka way lami pa gyud paminawon mao nga bisan ang Tandag nakakompleto na sa tanang requirements sa pagkasiyudad, mao pay pagsumiter sa League of Cities sa ilang complaint.

Duna usab hinoon silay rason tungod kay makubsan man lagi sila’g P3M ug para nila, dako na kini nga pagmenos sa ilang panudlanan.

Apan bisan pa niini, tungod kay tapos naman unta matuman sa Tandag City ang mga rekisitos sa pagkasiyudad, mohunong na unta sila sa pagdumbol ug magsabot nalang sa kalambuan sa tanan!


AddThis Social Bookmark Button

1 comments

  • insulare  
    August 29, 2007 at 4:49 PM

    actually tanan new cities man bagan an ipa-revoke sa LCP. so dili ra surigao city an nagpugong sa pagka-city nan tandag kon dili tanan member nan LCP. an sajop is sa office of the president kay sila an mag approve but then tagpa-lapse ra an expected time frame which results to automatic qualification for the applying city to be considered. IMOO.

Post a Comment