Dengue Outbreak sa syudad posibleng Ideklara, 90 na ka kaso, usa ang patay
Posibleng ideklara sa syudad ang usa ka Dengue Outbreak human nga nahibaw-an nga mokabat na sa 90 ka mga kaso sa sakit nga dengue ang natala sa tibook dakbayan sa Surigao sulod lamang sa mga bulan sa Enero hangtud sa Septembre ning tuiga kumpara sa miaging tuig nga mukabat lamang ug 76 ka mga kaso. Ang buhatan sa maayong panglawas sa Surigao pinaagi
Hinoon padayon ang maong buhatan sa pagsabwag sa mga impormasyon kalabot sa pagsanta sa maong sakit ilabi na diha sa mga tunghaan sa elementarya ug preparatory Schools diin ilang gi-awhag ang mga kabataang lalaki nga mag-longpants kanunay ug ang mga batang babaye tag-as nga saya ug medyas tungod kay ang lamok nga nagdala sa dengue sagad sa batiis mopaak.
Ang mga sintomas sa bata nga posibling adunay dengue adunay kalit nga paghilanat gikan sa duha ngadto sa pito ka adlaw, panakit sa lutahan ug kaunoran, panakit sa luyo sa mata, pagkaluya ug labad sa ulo, adunay mag-puntik-puntik nga pula sa panit, pagka-sunggo ug uban pang mga sintomas nga kinahanglang dal-on gilayon sa hospital aron kini katambalan gilayon tungod kay dilikado ang sakit nga dengue nga mokotlo sa kinabuhi.
Ang dengue gidala sa lamok nga AEDES AEGYPTI, nga adto lamang mosanay sa limpiyong tubig sama sa flower base, mga butangan ug tubig nga walay taklob ug mga botelya o lata nga maponduhan ug tubig panahon sa ting-ulan. Ang pagmintinar sa kalimpiyo sa palibot maoy