DTI Surigao Norte nagsaulog sa bulan sa Consumer Welfare Month  

Gisaulog sa Department of Trade and Industry (DTI) dinhe sa probinsya sa Surigao del Norte pinaagi sa pagpangulo ni Billy General, Provincial Caretaker sa DTI-Surigao del Norte ang tibuok bulan sa Oktubre isip Consumer Welfare Month.

Gisugdan ang pagsaulog sa Consumer Welfare Month niadtong Oktubre 1, Lunes nga adlaw sa usa ka motorcade palibot sa lungsod sa Naval diin kini gisalmutan sa mga ahensya nasyunal ug mga pribado nga institusyon sa negosyo.

Matud pa ni General nga ang tema karong tuiga nga selebrasyon mao ang "Consumer Education and Information: Key to Consumer Empowerment" nahasentro ngadto sa kaimportante sa paghatag ug edukasyon ug impormasyon sa mga konsumedor diin kini mauy magsilbe nga yawe sa paghatag sa ila ug gahum ug katakos.

Sa ingon ani nga bahin, ang DTI-Surigao del Norte pinaagi sa pakigtambayayong sa mga partner agencies sama sa DepEd, DOH, DENR, DA, PIA ug LGU ang mopahigayon ug consumer education seminar ngadto sa mga nagkalain-laing secondary schools dinhe sa probinsya sa Surigao del Norte.

Lain pa nga mga kalihukan ang ipahigayon sa DTI-Surigao del Norte mao ang business education and advocacy for business establishments ug ang paghatag ug pasidungog sa DTI-Certified Establishments.

Dugang pa niini and DTI magmugna ug usa ka grupo sa mga konsumedor sa probinsya diin kini gituhuan nga maghatag ug kusog sa pagpaabot sa mga tingog, reklamo ug yangungo ngadto sa mga hingtungdan nga mga establisamento sa negosyo ug mga opisina sa kagamhanan.

AddThis Social Bookmark Button

0 comments

Post a Comment