23-Anyos Sakpan Nag-rugby

23-anyos na, pero rugby boy pa?

Mao kini ang gipasangil kang Edgar Perca Y Malibay, 23-anyos nga laborer, nga molupyo sa Purok 6, Brgy. Canlanipa, Surigao City.

Kinsa giturn-over ngadto sa pulisya human nadakpan sa usa ka peddler samtang nagsimhot-simhot matud pa ug rugby didto sa barangay Canlanipa, alas 3:30 sa hapon niadtong usa ka adlaw.

Si Malibay, matud pa sa report, nasakpan mismo nga nagsimhot-simhot sa delikadong produkto sa concerned citizen nga si Edwin Cornetes Y Eras, 27-anyos ang edad, usa ka peddler ug molupyo sa Purok 5, Brgy. Canlanipa.

Gilayong gikumpiska ni Cornetes ang rugby nga gisulod sa botelya sa Ginebra San Miguel, ug gidala ngadto sa kapolisan.

Gilayong gitanggong sa selda sa Surigao City PNP alang sa custodial investigation ang dinakpan. (Airen I. Sinday-Periodico Surigao)