1,000 Tons Chromite Dakpan

Sakpan sa mga pulis sa Surigao del norte ang usa ka trak nga kargado ug 1,000 tons nga chromite atol sa usa ka special operations didto sa Barangay Cagdianao, Claver, Surigao del Norte niadtong usa ka adlaw.

Nadakpan pod ang usa ka suspek nga giilang si ASTERIO E. URBIZTONDO. Matud sa report, ang Pulis Surigao del Norte, pinangulohan mismo ni PSUPT JERIC PULMA VILLANUEVA, Acting Provincial Director for Operations uban ang mga personahe sa Provincial Environment Management ( PEMO ) nga gipangulohan usab ni Allan P. Maderno, maoy misakmit sa kargamiyentong 1,000 tonelada nga sandy chromites.

Matud sa report, ang suspek gidakop ug ang mga kargamiyento gisakmit human ang miangkong tag-iya sa kargamiyento napakyas sa pagpakita sa gikinahanglang dokumento labot sa negosyong chromite.

Ang mga chromite gipa-kustodiya kang Brgy. Captain Redeemer A. Gabunada sa Cagdianao, Claver. (A. Sinday)