2 Ka Kawat Suspek Sikop! Gipatrabaho, Gisikwat Mga Butang Sa Amo  

Duha sa tulo ka mga suspek sa kasong kawat ang nadakpan sa gihimong operasyon sa Pulis Surigao didto sa Kilometro 3, Surigao City alas 12:00 sa udto niadtong usa ka adlaw, Abril 2, 2008.

Gidakop sila si Eric Espejon Cotacte, 19-anyos ang edad, ulitawo nga laborer sa Purok 9, Brgy Canlanipa, Surigao City ug Ronaldo Pundang Arbis, 28-anyos ang edad, usa ka pintor nga taga Purok 9, Brgy Canlanipa usab gumikan sa sumbong sa biktimang si Sophia Esma Fernandez, 32-anyos nga molupyo sa Block 4, Lot 37 Caseta, Sitio Cayutan, Brgy. Cagniog, Surigao City.

Ang ikatulong suspek nga si Ralph Bayon, padayon pang gipangita sa kapolisan.

Matud sa report, nagreklamo sa pulis ang biktimang si Sophia human usab giunay matud pa sa mga suspek ang pagkawat sa iyang mga butang, samtang iyang gipatrabaho ang mga suspek.

Sa iyang asoy sa pulisya, gibutyag ni Sophia nga iyang gipahakot sila si Eric Cotacte ug Ralph Bayon sa iyang mga butang paingon ngadto sa Barangay Cagniog. Wala madugay nahiabot usab dayon aron pagtan-aw sa balay sa biktima ang suspek nga si Ronaldo.

Apan wala madugay, namatikdan na lang sa biktima nga nawala na ang cellphone Samsung E250 sa iyang anak babaye ug uban pa niyang mga butang.

Wala maglangan ang biktima, misumbong dayon kini sa pulisya ug gipasubay ang mga suspek.

Sa pagka-aresto sa duha ka suspek, narekober usab ang usa ka unit xenon DVD player, usa ka unit Makita Grinder ug JC Kawasaki plainer.

Nagtingkagol na karon sa presohan sila si Eric ug Ronald nga gipasakahan na ug kasong kawat didto sa Surigao City Prosecutor’s Office ubos sa IS number 2008-041 ug information sheet 2008-136.

AddThis Social Bookmark Button

2 comments

  • leons  
    April 5, 2008 at 12:55 PM

    Sad! Sometimes it's too risky to help others by providing them opportunities like jobs - a little help is not enough, they wanted more! Kasagaran dili gusto motrabaho,gusto ra modawat...unsaon man pag-uswag??? Magbago na nga tayo.

  • Anonymous  
    April 7, 2008 at 2:54 AM

    Now a days people are lazy, they just want to sit on their ass, specially these young people. All they want is hand out; or to steal for the people who work hard for a living. These people are blood sucking leeches, and need to be stop, their the demise to the society.

Post a Comment