Sa Siargao: P2-M Patrol Boat Ihatag Sa Dapa  

Hatagan ug duha ka milyon ka pesos nga balor sa Patrol Boat ang lungsod sa Dapa aron magamit sa paggukod sa mga malapason sa balaod sa kadagatan didto sa isla sa Siargao.

Mao kini unod sa report ni congressman Francisco “Lalo” Matugas atol sa launching sa proyektong Mari-culture Park didto sa lungsod sa Dapa di pa lang dugay. Sa iyang diskurso, gitug-an ni Matugas nga gawas sa mariculture Park, ang lungsod sa Dapa, butangan pa gyod ug usa ka patrol boat, nga sarang gamiton sa mga sulugoon sa balaod sa pagpatuman sa kadagatan.

Giilang tukma ug haom gayod ang maong patrol boat tungod kay hangtud karon nagpadayon pa gihapon ang pag-abusar sa kadagatan ilabi na sa mga dinamitero nga mopalusot sa ilang illegal nga panagat.

Ang bag-ong patrol boat alang sa lungsod sa Dapa, gikumpirma pod sa nga kadagkuan sa Bureau of Fisheries and Aquatic Resources (BFAR) pinangulohan mismo ni director Malcolm Sarmiento sa BFAR nasyonal.

Wala pa hinuon maklaro kanus-a ipadala sa Dapa ang nahisgutang patrol boat.

AddThis Social Bookmark Button

1 comments

  • Anonymous  
    May 25, 2008 at 5:29 AM

    mabuhay kaw congressman matugas..keep up the good work.apili sab me dire sa san benito kay aron ma sumpa kining ma nga illegal na pangisda..mabuhay kaw cong...

Post a Comment