British Ambassador nalipay sa mainitong pag-abiabi sa pagbisita Surigao Norte
Dako ang kalipay ni british ambassador Peter Beckingham sa pag-abot niya sa opisina sa Gobernador, dihang gisugat kini sa mga opisyales sa probinsiya nga gipangunahan ni Vice-Governor Noel P. Catre, uban usab ang mga miembro sa Sangguniang Panlalawigan ug mga Department Heads.
Gidayeg ni Ambassador Beckingham ang gihimo nga presentasyon sa PPDO Officer- In- Charge Art Cruje kalabot na sa mga nagkadaiyang inpormasyon bahin sa Probinsya sa Surigao del Norte, labi na ang mga tourism ug mining potentials sa tibuok probinsya, ug unsa pud ang mga hagit niini labi na sa sitwasyon sa atong kinaiyahan, diin daghan na ang mga nangadaot nga mga bukid ug kadagatan, nga maoy hinungdan ang walay responsible nga pagmina.
na sa nakita ni Ambassador Beckingham, siya nagkanayon nga dako ang kalipay nila nga dako ang natampo sa mga Pilipino sa kalaboan sa tibuok United Kingdom tungod sa kadaghan nga mga Pilipino nga atoa didto sa ilang lugar aron sa pagtrabaho, ug iyang gibutyag nga ang pagpahimutang nila sa minahan nga mao ang Anglo-American Mining Corporation nga anaa pa karon sa exploration stage, dako unta usab ang mahitampo nga kalamboan sa probinsya,pinaagi na sa paghatag ug panarabaho,u gang pagsiguro nga ang operasyon sa maong minahan, magprotekta kini sa kinaiyahan ug nagtamud gayud sa estrikto nga mga balaodnon. Gidugang usab niya nga ilang paningkamotan nga makadugang sila sa pagpausbaw sa kadaghanon sa mga British tourists nga moanhi sa probinsya, labi na sa pag-awhag sa mga air companies nga anaay direktang flight paingon sa Pilipinas ug mga exchange programs sa natad sa edukasyon.
Natapos ang maong pagbisita sa pinasidunggang British Ambassador Peter Beckingham nga may maayong relasyon labi na sa mainiton niining panag-inistoryahay nila sa Bise- Gobernador Noel Catre ug mga opisyales. (Media Affairs Office)
