Killer De-Motor Sa Surigao Na Gayod; 56-Anyos Deretso Patay

PATAY ang usa ka 56-anyos, dihang miatake hangtud sa Surigao City ang de motor nga killers.

Nabugtoan dayon sa iyang kinabuhi sa Rodrigo Jansor y Bernaldez, 56-anyos nga empleyado sa Surigao City Hall, human gipusil didto sa iyang lugar sa Purok 3, barangay Silop, Surigao City alas 7:30 sa gabii niadtong miaging semana.

Subay sa pulis report, naglingkod lang sa Jansor sa bangko gawas sa iyang balay, dihang giduol kini sa usa ka tawo nga nagpalit ug sigarilyo.

Dihang mitindog ang biktima aron pagkuha sa gipalit nga sigarilyo, sa walay daghang langas, gipusil dayon sa suspek ang biktima makaduha gyod tumong gayod sa ulo hinungdan sa hinanaling kamatayon niini.

Gisulayan pa unta sa pagdala ngadto sa CARAGA Regional Hospital ang biktima, apan igo nalang kining gideklara sa mananambal nga dead on arrival.

Ang mga killers, paspas nga mingsibat sakay sa usa ka kolor pula nga YAMAHA STX motorcycle.

Narekober sa mga imbestigador gikan sa lugar sa krimen ang duha ka mga gipabutong cartridges sa cal. 45 pistol.

Gilusad na karon sa Pulis Surigao ang manhunt opration batok sa wala mailhi nga killers.