Nagkauyon karon ang mga lideres sa Caraga Region, apil na ang mga partido political ug kandidato sa lain-laing puwesto karong Mayo 2010, sa paghimong matinud-anon, tawhay ug way tikas ang gitakdang piliay.

Di pa dugay, gipirmahan sa mga lideres sa rehiyon covenant for Honest, Orderly and Peaceful Elections (HOPE) atol sa seremonya didto sa Urios University Gym.

Ang pirmahanay sa kasabotan, gisaksihan mismo sa líder sa Roman Catholic Church nga si Obispo Juan De Dios Pueblos, Northeastern Mindanao Police Regional Office 13 (PRO-13) Regional Director Chief Supt. Lino D. Calingasan, ug tag-as nga mga opisyales sa Commission on Election (Comelec) ug Caraga PRO 13 Press Corps.

“This is a good move to make next year’s election a noble one. I’m hoping that 2010 elections will be peaceful and orderly,” sulti ni Bishop Juan De Dios Pueblos, kinsa mao usab ang founding chair sa Caraga Conference for Peace and Development (CCPD).

Matud ni Heneral Calingasan, ang kasabotan pabor gayod sa tanang mga kandidato ug sa ilang mga botante.

Gipasabot sa report sa Philippine News Agency (PNA), ubos sa kasabotan, ang tanang mga lideres sa rehiyon, ilabi na ang mga kandidato motabang gayod aron masiguro ang usa ka malinawon, ug way kayagaw nga eleksyon sunod tuig pohon.

Read More...

Balor P10.4-milyon gyod nga mga Kalahi-Kalayaan sa Barangay Program (KBP) projects ang natapos di pa dugay sa Surigao City, matud sa report sa National Economic Development Authority (NEDA) ug sa military sa Caraga Region, nga gipatik usab sa Philippine News Agency (PNA).

Apil sa maong mga proyekto ang usa ka rehabilitated health center, duha ka bag-ong health centers, tulo ka bag-ong balay-tunghaan, duha ka potable water systems, ug duha ka farm-to-market roads nga nahimutang sa mga Barangay Mabini, Sukailang ug Mapawa, pulos sakop sa Surigao City.

Ang maong mga proyekto opisyal na nga gitunol ngadto sa Local Government Unit (LGU) niadtong Lunes, Disyembre 8, 2009.

Ang nahisgutang mga proyekto gihimo sa 544th Engineering Brigade sa Armed Forces of the Philippines (AFP) uban ang NEDA- Caraga, Provincial Government sa Surigao del Norte , ug LGU Surigao City.

2,000 ka mga panimalay ang gipaabot nga makapahimulos ning maong mga proyekto sumala sa report ni Regional Army Spokesman Maj. Mitchele B. Anayron, Jr.

Ang turn-over ceremonies gisaksihan mismo nila Gov. Robert Ace Barbers nga maoy miputol sa ribbon, uban nila ni Surigao City Mayor Alfonso Casurra, NEDA Caraga Assistant Regional Director Cecilia L. Rosales nga nagrepresentar kang NEDA-Caraga Director Carmencita S. Cochingco, ang RKCG designated Interim Chairperson; Lt. Col. Wenefredo O. Arceno sa 544th Engineering Brigade; Lt. Col. Cristobal N. Zaragoza, commander sa 30th Infantry Batallion ug uban pang opisyales gikan sa Department of the Interior and Local Government (DILG).

Ang kapitanes sa barangay maoy midawat sa “key of responsibility” isip mga custodian sa nahisgutang mga proyekto.

Ang maong mga proyekto tipik sa nagpadayong paningkamot sa gobyerno alang sa pag kab-ot sa kalinaw ug kahusay ug sa pagtunol ug mga proyekto sa kauswagan ngadto sa kabarangayan, ilabi na sa mga lugar nga apektado sa insurhensia.(PNA)

Read More...

Nagtingkagol na sa bilanggoan sa Surigao City PNP ang usa ka lalaking way trabaho nga wanted sa kasong rape.

Si Eutiquio Espejon Escamillan, jobless nga molupyo sa Purok P. Reyes Extension, Brgy Taft, Surigao City, gidakop sa mga sakop sa Pulis Surigao didto sa Sitio Mananod, Brgy. Capayan, Surigao City di pa dugay.

Subay sa report ni PO3 Arturo Suganob Campania, duty PNCO sa RHQ Public Information Office ubos ni P/Chief Inspector Nelly Villagarcia, si Escamillan gidakop ni PO3 Carlito Hilaos Jr., subay usab sa Warrant of Arrest nga giluwatan ni Judge Francisco Maclang sa RTC Branch 34, sa Agusan del Norte, nga penetsahan ug Septembre 6, 2006 ubos sa Criminal Case number 2006-10. Nag- atubang sa kasong rape ang dinakpan, busa walay piyansa nga gitakda ang korte alang sa iyang temporaryong kagawasan.

Gilayong gidala sa Surigao City PNP ang dinakpan alang sa gikinahanglang dokumentasyon.

Read More...

Tulo ka kandidato ang mag-ilogay alang sa puwesto sa pagka-gobernador sa Surigao del Norte sa umaabot nga eleksyon karong Mayo 2010. Apan, sama sa miaging eleksyon, ang naandang apelyido lang sa mga pulitiko gihapon ang nag-una ug engkwentro.

Si incumbent Governor Robert Ace Barbers, giatbangan sa karaang karibal sa Pulitika ang mga Matugas. Si Sol Matugas asawa ni kanhi Gobernador Francisco Matugas.

Miapil usab sa sambunot sa pagka gobernador ang usa ka Ruperto Dequino, nga midagan isip independent candidate.

Apan ang labaw nga gikahinaman sa mga Surigaonon, ang tigi sa pagka-kongresista nga giilang laing round sa engkwentro sa mga karaan..

Ang incumbent congressman sa First District nga si Francisco Matugas sa partidong Lakas Kampi CMD, giatbangan karon sa karaang apelyido sa pulitika ang mga Navarro.

Midagan isip kongresista si Constantino Navarro III, ubos sa partidong Nationalista.

Ang LP mikuha pod kang Saberon Gertrudes isip candidato pagka kongresista.

Giilang kulbahinam pod ang eleksyon sa pagka-congressman sa 2nd district, tungod sa pagdagan ni Mayor Alfonso Casurra

Si Casurra nga iladong dako gayod ang nahimo sa pagpauswag ug pagpasikat sa Surigao City, gilaumang mogunit gayod sa puwesto nga gilingkoran karon ni Romarate Guillermo Jr. Sa Lakas Kampi CMD. Ania ang kumpletong listahan sa mga kandidato sa provincial level.

GOVERNOR

1. BARBERS, ROBERT ACE S. – NACIONALISTA PARTY
2. DEGUINO, RUPERTO E. - INDEPENDENT
3. MATUGAS, SOL F. - LAKAS CMD KAMPI

VICE-GOVERNOR

1. CATRE, NOEL P. - NACIONALISTA PARTY (NP)
2. EGAY, ARTURO CARLOS JR. - LAKAS CMD KAMPI (LKC)
3. TALLEDO, CHARLIE B. - INDEPENDENT (IND)

BOARD MEMBERS 1ST District

1. ANDANAR, EDGAR T. - NP
2. BACOR, STELLA C. - IND
3. BAGUNDOL, CESAR M. - LKC
4. CASTRENCE, SIMEON VICENTE - Partido Padajon Surigao
5. CORBETA, NATHANIEL C. - Pwersa ng Masa (PMP)
6. ESCUYOS, ROLO O. - Pwersa ng Masa
7. GALANIDA, Cesar M - Independent
8. GALANIDA, MAMERTO - LKC
9. GOPICO, NORMAN E. - NP
10. GORGOLON-LICUAN, LEONILA - LKC
11. LONGOS, MARGARITO M. - LKC
12. NAVARRO, RODOLFO G. - PMP
13. PIAO, FERNANDO - NP
14. RESURRECCION, PEDRO - NP
15. TEVES, MARIETTA L. - NP

SECOND District

1. ALAAN, REGINA G. - NP
2. ALDONZA, LEONILO A. - NP
3. BORJA, VICTOR C. - NP
4. ELUMBA, CONSTANTE - NP
5. GONZALES, HENRY - LKC
6. KONG, MANUEL R. - LKC
7. LARONG, FERNANDO T. - LKC
8. MOSENDE, JESSNAR C. - LKC
9. MOSENDE, RONNIE N. - NP
10. PETALLO, ROMEO A. - IND
11. ROMARATE, MYRNA M. - LKC

CONGRESSMAN (FIRST DISTRICT)

1. MATUGAS, FRANCISCO T. - LKC
2. NAVARRO, CONSTANTINO III - NP
3. SABERON, GERTRUDES - LP

CONGRESSMAN (SECOND DISTRICT)

1. CASURRA, ALFONSO S. - NP
2. ROMARATE, GUILLERMO, JR. - LKC

SURIGAO CITY MAYOR

1. ARRIBA, EDUARDO - PMP
2. BARBERS, ROBERT LYNDON S. - NP
3. MATUGAS, ERNESTO T. - LKC
4. SERING, RICO SALVADOR - LIBERAL PARTY

Read More...