Ulitawong Amerikano Namatay sa Surigao  

Usa ka ulitawong Amerikano ang namatay sa Surigao City di pa lang dugay. Apan giklaro hinuon nga sakit gayod ang gikamatyan sa Kano.

Sa report ni PO2 Darlin Cabalinan Migullas, Duty PNCO sa RHQ Public Information Office ubos ni P/Chief Inspector Nelly T. Villagarcia, giila ang biktima nga mao si Chad William Delphy, 39-anyos ang edad, ulitawo ug usa ka Amerikano nga taga California, USA.

Kasamtangang nagpuyo si Chad sa Purok-3, General Luna, Siargao Island, Surigao del Norte. Sumala sa impormasyon gikan sa Miranda Family Hospital sa Surigao City, sakit ang gikamatyan sa Amerikano.

Nasuta nga namatay ang Kano tungod sa “Hepatic Encephalopathy secondary to Liver Cirrhosis, secondary to Chronic Alcoholism and bleeding Peptic Ulcer”.

Unang na-admit sa Siargao District Hospital sa lungsod sa Dapa ang Amerikano, apan gibalhin kini sa Miranda Hospital sa Surigao City diin kini nabugtoan gyod sa iyang kinabuhi.

Ang patay nga lawas sa Kano gipahimutang sa Nilo Funeral Homes, didto sa Kilometro 3, Brgy. Luna, Surigao City.

AddThis Social Bookmark Button

1 comments

  • Czaldy  
    June 25, 2010 at 12:00 PM

    Im from davao and a friend of Chad. Was able to visit him last May in Siargao.Am saddened of the loss!. Do you guys any have contact number of his friend Mick? Was trying to call but fone's unattended. Hope there is someone who can give me updates on this matter. tnx. my contact number is 09157137109 landline: 082 272 0292

Post a Comment