Sa Siargao Island – Billabong 2010 Surfing Cup Gitakda
at Tuesday, June 22, 2010
Gitakda na usab ang pang internasyonal nga SURFING COMPETITIONS sa Siargao Island, Surigao del Norte. Gipahibalo ning semanaha sa Billabong Cloud 9, ang paglusad sa Invitational Surfing Cup sa General Luna, Siargao Island, Surgao del Norte, gikan September 24 hangtud September 30, 2010.
Gilauman nga modugok na usab ang nag-una nga mga surfers sa kalibutan, apil na ang gikan sa Australia, Bali, Japan, South Africa, Hawaii ug sa Pilipinas.
Kahinumduman nga sa pagbukas sa 2009 Siargao Surfing Championship, ang kampeon sa Billabong Cloud 9 Invitational mao si Edito “Peso” Alcala (Philippines).
Ang Billabong Cloud 9 Invitational Cup karong tuiga, gipaabot nga mas mapuno pa sa aksyon kumpara sa nahimong kumpetisyon sa miaging tuig.
