5th BALIK-ESKWELA PARA SA ANAK SA PRESO GILUSAD

Surigao City (16 June) - Ang City Parole and Probation Office (CPPO) nga gipangulohan ni Ms. Alicia Borja-Espejon naglusad karon sa programang Balik-Eskwela alang sa mga anak sa mga parolees, probationeers ug pardonees dinhi sa syudad sa Surigao.

Kini sila kadtong mga nakahimo ug salaod sa unang higayon ug dunay sentensya ubos sa unom ka tuig ug usa ka adlaw. Ang maong pprograma gipahiluna didto sa Function Room, 3rd Floor, government Center Building, City Hall Complex kaniadtong Hunyo 14, 2007. Ang maong kaihokan uban sa pagtambayayongay ni Mayor Alfonso Casurra ug giapilan usab ni Mr. Ernesto Santic ang presidente sa 3Ps Asosciation. Si Dra. Lina E. Dumale, sa City Health Office, miapil usab sa maong kalihokan ug nag apod-apod sila ug sepilyo ug toothpaste.

Kining lima na ka tuig nga programa sa CPPO dili lang nagsentro sa pagpanhatag ug mga gamit sa eskwelahan ug libreng edukasyon sa mga kabataan apil na ang mga hamtong.
Kini namugna pinaagi sa paningkamot ni Mrs. Alica Borja-Espejon dihang sa iyang pagbisita sa mga barangay sa lalawigan sa Surigao del Norte, iyand naobseerbahang nga daghang mga anak sa ilang mga kliyente ang wala na mag-eskwela.

Nasabtan ni Mrs. Espejon, nga kasagaran sa nakalapas sa balaod mao kadtong wala mag-eskwela o kon illiterate. Usa sa mga tumong sa ilang opisina nga mapataas ang ang-ang sa ilang kahibalo.

Sa kinatibuk-an ang maong ahensya nagtan-aw dili lang sa paghatagan og pagtu-on sa ilang kliyente apin apil na ang espirtuhanon, ekonomikanhon ug sosyal nga aspeto. (Marx Rev Buenavidez/Periodico Surigao)