Tesorero Gikawatan Sulod sa Lantsa

Surigao City (16 June) – BISAN SULOD SA LANTSA, dili gihapon luwas ang musakay gikan sa “balhiboon ug kamot.”

Mao kini ang nakumpirmar kagahapon sa usa ka barangay treasurer nga nawad-an sa kuwartang para unta sa benepisyo sa mga barnagay officials.

Si Roberto Dapar Tesado, 52-anyos, minyo, g Barangay Treasurer sa Barangay Nueva Estrella, Socorro, Surigao del Norte misumbong sa pulisya nga nawad-an gyud siya ug P12,000.00 human siya gikawatan samtang nahikatulog sulod sa lantsa nga Socorro Princess.

Nagtuo ang barangay treasurer nga ang kawat nahitabo gikan sa 1:00 hangtud sa alas 3:30 sa kaadlawon kagahapon, Hunyo 15, 2007.

Giasoy sa tesorero nga ang maong salapi gitagana unta aron ibayad sa mga benepisyo para sa ilang barangay officials.

Walay matudlong suspek ang tesorero sa maong hitabo. (Jodian Jayme/Periodico Surigao)