Surigao City (15 June) - Nagpatabang sa kapulisan ang usa ka 31-anyos nga babaye human gisulong matud pa sa kanhi live-in partner sa iyang uyab didto sa Punta Bilang-Bilang, Brgy. Taft, Surigao City.
Si Josephine Navarro y Seciban, 31-anyos ang edad, misumbong sa pulisya nga gisulong siya sa usa ka Emily Balaba nga nagwala sa iyang balay.
Matud pa sa imbestigasyon, ang biktimang si Josephine ug ang uyab niini nga giilang si Steven Rey Eludo, nag-istoryahanay sa sala sa balay, dihang kalit lang miabot ug nagwala ang suspek nga si Balaba.
Tungod sa pagwala, naguba ang pultahan sa atubangan sa balay, hasta napod ang headlight sa usa ka motrosiklo nga gisipa pod sa babaye atol sa iyang kasuko.
Wala pa gyud makuntento, ang suspetsado gidunggab ang uyab sa biktima nga si Stephen Rey Eludo. Maayo gani kay nakalikay kini ug nasamaran lang sa tuong siko.
Ang biktima nagtuo nga nagselos gydu ang suspek nga si Balaba tungod kay ang iyang boyfriend nga si Stephen Rey ug ang suspetsado gitaho nga maglive-in partner kaniadto (Jodian Jayme/Periodico Surigao)
