Surigao del Norte (15 June) - Ang Surigao del Norte NGO Coalition for Development (SUNGCOD), Inc. sa Syudad sa Surigao gitakdang magpahigayon ug usa ka blessing o pasalamat sa bag-o pa lamang nahuman nga Vinegar Processing Center sa Sitio Tambakan, Cabugao, Bacuag, Surigao del Norte. Ang kalihokan pagahimoon karong Hunyo 15, 2007 sa may alas 10 ang takna sa buntag.
Ang SUNGCOD maoy nagpadagan sa maong proyekto diha sa Bacuag, Surigao del Norte . Ang maong proyekto nahimong malampuson tungod sa pagtambayongay sa AusAID-PACAP (Philippine-Australian Community Assistance Program) ubos sa HIPADA FOCAS nga pondo.
Usa sa mga nanag-unang kalihukan sulod sa usa ka tuig nga programa ang pagkamugna sa gitawang nga local enterprise ug ang people's organization livelihood development diin naglangkob sa pag tukod sa Vinegar Processing Center diha sa Brgy. Cabugao, Bacuag, Surigao del Norte. Ang pagmugna sa maong Center gisugdan niadtong Septembre, 2006 ug nahuman kaniadton Hunyo 10, 2007 pinaagi na sa hiniusang paningkamot sa munisipyo, CAFIFACCOCO, SUNGCOD ug ang AusAID-PACAP.
Agi'g pag hatag sa mahinugdanong kalamposan sa maong proyekto , adunay pagghimoon pagbendisyon sa maong Vinegar Processing Center ug human sa maong kalihokan adunay paglibot sa Puyo Marine Sanctuary.
Ang dinapit nga mamumulong sa maong kalihokan mao si Ms. Monina Hernancedez, ang AusAID Pacap Provincial Project Officer, Mr. Arturo Cruje, Provincial Planning and Development Coordinator, Engr. Elmer Tecson, HIPADA FMC Coordinator, City Planning and Development Coordinator.
Ang kasamtangang Mayor sa maong lungsod nga si Hon. Reynaldo Orquina uban ang incoming mayor nga si Hon. Sheila Mae Cebede nga mohatag usab ug ilang mensahe.
Dili lang ang munisipyo sa Bacuag ang nakatagamtam sa maong hinabang gikan sa AusAID-PACAP apil na usab ang isla sa Dinagat, Siargao ug Bucas Grade ug Lake Mainit area. (Marx Rev Buenavidez/Periodico Surigao)
