HALOK SA TINAPOK NGA GRABA; PULIS GRABE!  

GRABE KARON ang usa ka pulis human mihalok sa tinapok nga graba ang iyang gisakyang motorsiklo didto sa Sityo Banahaw, Brgy. Sabang, Surigao City niadtong usa ka adlaw.

Si PO1 Edward D. Acosta, taga Brgy. Bag-ong Lungsod, Tandag City ug nagtuon sa Public Safety Recruit Course (PSRC) sa Regional Training School sa Caraga Region, sa Lipata, Surigao City nakaangkon ug dili tiaw ng mga bun-og human midasmag ang iyang gimanehong single nga Honda Wave 125 nga may plate no. OG-9913 nga rehistrado sa ngalan ni Jose Jeffrey M. Maclang, taga 139 Santa Street, Saint Joseph Subdivision, Butuan City, midasmag sa tinapok nga mga graba atubangan gyod sa Nodalo residence sa Sityo Banahaw Road.

Sumala sa pulis report, nagdagan ang motorsiklong gimaneho sa pulis, dihang kalit lang kining misangit sa tinapok nga graba didto sa gi-repair nga karsada nga walay gibutang nga Early Warning Device.

Tungod sa kakalit sa hitabo, na-kras sa semento ang motorsiklo, hasta na pod ang nagdrive nga pulis.

Nadali hinuon sa pagdala ngadto sa Surigao Medical Hospital ang nadisgrasyang pulis. (Jodian Jayme/Periodico Surigao)

AddThis Social Bookmark Button

0 comments

Post a Comment