HAMPAK GANG MI-ATAKE NA POD; Driver Hubag ang Wa-it!
HUBAG INTAWON ANG WA-IT sa usa ka tricycle driver human siya giatake sa “Hampak Gang” didto sa Navarro Street kanto sa P. Reyes Street, Surigao City alas 10:45 sa buntag kagahapon Hunyo 26, 2007.
Igo na lang sa pagsumbong sa kapulisan si Riel Perrucho y Murillo, 43-anyos ang edad, minyo, usa ka tricycle driver ug molupyo sa Silay Hills, Espina Street, Surigao City human siya nakulatahan sa Hampak Gang.
Sa iyang asoy sa kapulisan, gisulti ni Perrucho nga nagmaneho siya sa iyang tricycle, ug dihang mihunong siya sa bakery aron magpalit ug pan, kalit lang siyang gidasdas sa duha ka wala mailhing mga lalaki.
Paghiduol sa mga lalaki ngadto sa iyang sakyanan, gisulayan dayon nila ug kuha ang koleksyon sa driver gikan sa iyang pagpamasada nga iyang nabiyaan sa sakyanan.
Gibadlong ni Perrucho ang mga suspek, apan mao na lay iyang naamgohan nga gitabangan na siya ug kulata sa
Wala pa matagbaw, ang gituohang HAMPAK GANG, gihampak pa gyod ang likod nga bahin sa tricycle ni Perrucho, hinungdan sa pagkadaot niini.
Dihang namatikdan nga nagsingabot na ang mga sakop sa Pulis-baryo (Barangay Pulis Laban sa Krimen) aron luwasonang driver, kalit lang pod nga nanagan ang mga suspek paingon sa wala matino nga direksyon.
Istaring na hinuon karon sa blotter sa kapulisan kining maong hitabo. (Jodian Jayme/Periodico Surigao)
