Motorsiklo Gi-Karnap

Surigao City (June 20) - WAGTANG ang usa ka motorsiklo, human kini gisikwat sa wala mailhing kiriwan, samtang giparada sa Purok Matinabangon, Paradise Street, Barangay Taft, Surigao City niadtong miaging gabii.

Sumala sa sumbong ni Edimson Forcadilla, minyo, national employee nga taga Purok Matinabangon, Paradise Street, Brgy. Taft, Surigao City.

Nga ang sakyanan igo lang giparada didto sa Paradise Street duol sa Surigao del Norte National High School (SNNHS).

Matud pa sa report, dako na lang ang katingala sa tag-iya kay sa iyang paglili bandang alas 7:00 ang takna kagahapon, wala na sa giparadahan ang sakyanan.

Gituohang gitangag kini sa kawatan kagahapon pa sa kaadlawon. (Jodian Jayme/Periodico Surigao)