OPIS SA PROV’L BUDGET GI-RANSAK POD

Surigao City (June 20) - IMBES MASUMPO, misamot hinuon ang pagdagsang sa kasong ransak sa dakbayan sa Surigao.

Hasta na ang opisina sa Provincial Budget sa kapitolyo, gi-atake sa mga kawatan nga nakasulod pinaagi sa pagtangtang sa tulo ka mga bildo sa jealousy nga bintana.

Pag-abot sa sulod sa opisina sa Budget, ang 17 ka mga lamesa, pulos gipang-buksan sa mga kawatan ug gipangutingkay gyod ang tanang mga butang sulod sa mga lamesa.

Sa imbestigasyon, nahibaw-an nga ang door lock sa Provincial Budget Office giguba pod, ug ang duha ka mga cabinets (aparador) gipangbuksan gihapon sa mga kawatan.

Igo lang hinuon gisibog sa kawatan ang duha ka mga computers.

Ang pagpanglungkab nadiskubrehan sa usa ka Wilma Yuipco, utility worker Prov’l Budget Office kaniadtong Hunyo 17, 2007.

Dihang iyang gibuksan na ang main door sa buhatan, nasiga gyod ang mata ni Yuipco, dihang nakit-an ang nangaukay na nga mga lamesa. (Jodian Jayme/Periodico Surigao)