Sa Mainit: Hubog Gitigbas

NATUGPA sa Caraga Regional Hospital ang usa ka 37 anyos nga lalaki human gitigbas didto sa Barangay Paco, Mainit, Surigao del Norte alas 2:00 sa kaadlawon niadtong miaging adlaw.

Giila ang biktima mao si Hennie Sabote y Ojel, 37 anyos ang panuigon taga Brgy. Paco, Mainit, Surigao del Norte.

Gitudlong suspek si Junnie Paniamogan taga Brgy. Paco usab.

Ang bitkima naigo sa tuong bahin sa iyang lawas, busa gidala gilayon kini sa Caraga Regional Hospital aron matambalan.

Sa pasiunang imbestigasyon gibutayg nga ang biktima ug ang iyang igsuon nag-inom sa ilimnong makahubog. Kauban ang igsuon sa biktima miadto sila sa balay sa suspetsado nga niadtong tungora dunay dala nga mahait nga hinagiban. Wala damha, kalit lang kining nanghagit ug away ug gi-atake ang suspetsado.

Tungod niini mibalos ang suspetsado ug gihugot niini ang iyang sundang ug gitigbas ang biktima sa iyang lawas. Usa ka bangi personal ang nakitang motibo sa panghitabo. Padayon pa gihapon nga gihimo ang makuting imbestigasyon. (Marx Rev Buenavidez/Periodico Surigao)