SURIGAO BASURAHAN SA BIKTIMA SA SALBIDS? Biktimang Babaye Wa Mailhi Kay Lata Na  

Surigao City (June 21) - LABAYANAN NA BA o basurahan sa mga biktima sa mga biktima sa salbids ang Surigao City?

Mao kini ang namugnang pangutana kagahapon human giklaro sa pulisya nga ang nakit-ang babayeng patay didto sa Purok 4, Baranggay Lipata niadtong miaging semana, posibleng didto sa layo nga lugar gipatay ug igo lang gilabay didto sa dapit kini nakit-an.

Mismong si P/Supt. Francisco Dongo, Hepe sa Surigao City PNP, ang nagtug-an nga ang biktima wala nay kinabuhi dihang gilabay didto sa dapit diin kini nadiskubrehan.

“We cannot really say that the crime was committed here in the city, ginawa lang tayong tapunnan,” pasabot ni Dongo.

Sa gihimong imbestigasyon sa pulisya, walay report nga nagtumbok nga may nahitabong kagubot didto sa palibot sa Lipata una nadiskubrehan ang patay’ng lawas sa usa ka babaye.

Si Dongo nag-ingon nga lisod na gyong ilhon karon ang biktima, ug gani bisan ang mga tinugyanan sa Scene of the Crime Operatives (SOCO), wala usab makaestablisar kinsa gyod kining biktima tungod usab sa kakulang sa lead sa maong kaso .

Kahinumduman nga ang patay nga lawas, nga iya sa 20-anyos nga babaye gituhuang gi-rape, gidunggab ug gisunog saw ala mailhing suspek, nagsugod na sa pagkadugta (state of decomposition) dihang nakit-an didto sa Lipata.

“Wala na tayong makukuhang (lead) doon, kasi sa pagkakita naming dyan (biktima) nasa stage of decomposition na siya…. at ang nakuha nalang naming dun ay isang papel at isang resibo lamang…” pasabot ni Dongo, nga miangkon nga ang ilang imbestigasyon pakyas sa pag-establisar sa lead kinsa gyod ang suspek ug unsa usab ang motibo sa maong hitabo. (Periodico Surigao)

AddThis Social Bookmark Button

0 comments

Post a Comment