Surigaonon sa U.P. Diliman Mag-General Assembly

Ang mga Surigaonon nga mga miyembro sa University of the Philippines Maradjaw Karadjaw (UPMK) mohimo sa tinuig nga General Assembly didto sa Ipil Tambayan, Ipil Hall grounds, UP Diliman Campus, Quezon City alas 4:00 sa hapon karong Hulyo 22, 2007.

Gipatawag ang tigom ni Paul Aranas, ang Presidente sa UPMK, aron makahimo ug mga plano para sa school year 2007-2008, ilabi na ang tinuig nga Tree planting sa Parang-parang watershed karong Oktubre ug ang Crayons for Peace sa Disyembre.

Ang UPMK, usa ka grupo sa mga estudyante gikan sa Surigao del Norte ug Dinagat Provinces. Apil usab ang mga may dugo nga Surigaonon o napuyo sa Surigao Del Norte ug Dinagat Provinces.

Natukod ang grupo niadtong tuig 1999. Ang miagi nga tuig 2006, natukod usab ang UPMK Alumni Association, Inc.

Giimbitahan ang mga Surigaonon nga mga estudyante sa UP Diliman sa pag-apil sa UPMK. (Charlo Paredes-UPMK)