Tree Planting Sa Surigao City  

Surigao City– Nangandam na ang mga opisyales sa mga nagkalain-laing ahensya sa gobyerno nga gipanguluhan sa 30th Infantry (Python) Battalion, 4th Infantry Division sa Philippine Army nga nakabase sa Sta. Cruz, Placer, Surigao del Norte dili pa lamang dugay kabahin kini sa pagahimuon nga “tree planting activity” sa ika-29 sa Hunyo tibuok nasod sa alas 9 ang takna sa buntag.

Ang kalihukan sugdan sa alas 9:00 ang takna sa buntag sa maong adlaw.

Sa panagtigum, gibutyag sa Philippine Army nga ang gitakdang tree planting activity tipik gihapon sa programang “Green Philippines”, nga nagdala sa tema nga “Puno para sa Kinabukasan.”

Gitumong kini sa pagpanalipod sa kinaiyahan, apil na ang mga watersheds ug kalasangan aron mahibalik ang maayong kalidad sa hangin.

Mukabat sa 26,000 ka mga seedlings ang giplanong matanom sulod sa usa ka oras sa Provincial Forest Park nga naa mahimutang sa Barangay Ipil niining syudad. Gusto sa Army nga mabreak ang record nga gihuptan sa India sa Guinness Book of World Record sa pinakadaghan nga matanom nga kahoy sulod sa usa ka oras sa alas 9:00 ngadto sa alas 10:00 sa buntag nga dugang pagpananom sa tibuok nasod.

Gibutyag usab sa maong tigum ang mga nagkadaiyang obligasyon sa mga nagkalain-laing ahensya sa gobyerno. Kauban sa gihimong tigum mao ang ahensya sa Department of Environment and Natural Resources (DENR), Department of Agrarian Reform (DAR), Department of Education – City and Surigao Norte Divisions ug ang Philippine Information Agency. (Fryan E. Abkilan, PIA-Surigao del Norte)

AddThis Social Bookmark Button

0 comments

Post a Comment