TAGBO II SA SIARGAO  

Ang Siargao Partners for Environmental and Economic Development (SPEED), usa ka alyansa nga gilangkoban ug 18 ka mga nagkadaiyang people's organization ug Non-Government Organizations (NGOs) nga nakabasi sa isla sa Siargao ug Bucas Grande maglungsad og TAGBO II karong Hulyo 24-25, 2007 diha sa Burgos, Surigao del Norte.

Ang mga kalihokan sa TAGBO namugna kaniadtong miaging tuig dihang ang Phillippine Australian Community Assistance Program (PACAP) nag-saulog sa iyang ika-20 nga anibersaryo. Ang maong kalihokan usa ka pagpasalamat sa malahutayong pagpangalagad sa PACAP aron pagpalambo ang mga katilingban ug mapataas ang ilang ang-ang sa panginabuhian. Nakita sa SPEED, ang ang maong kalihokan usa ka epektibong pamaagi sa pagbinayloay sa mga panghunahuna ug mga kasinatian mao nga ilan kining gipadayon.

Ang mga kalihukan sa TAGBO II maglangkob sa caravan, fellowship games, forum ug gabii sa panaglambigitay.

Ang SPEED nag angkla sa usa ka kolektibong pagpakabana, diin naghatag ug gibug-aton sa panginahanglan sa koordinasyon ug epektibong pamaagi aron pag pa-ambit sa mga kasinatian, pagsulbad sa nga bangi/o nagkadaiyang panghunahuna aron mapangitaaan ug mga kasulbaran, pagbinayloay sa impormasyon, pagbalhin sa mga teknologiya, pag-ambitay sa mga tinubdan, kini usa lamang sa mga daghang tumong sa SPEED. Ang maong organisasyon usab gi-ila sa Siargao Island Protected Landscape and Seascape (SIPLAS) Focas Management Committee (FMC) pinaagi na sa resolusyon ug giduso usab diha sa Provincial Stakeholders Committee (PSC ) ug dugang naghatag ug represetntasyon sa SIPLAS FOCAS Management Committee.

Kini nga alyansa nga naglangkob sa NGO ug POs nga naglihok sa isla sa Siargao nga katambayayong ubos sa AusAID-PACAP FOCAS nga programa. (Marx Rev Buenavidez/Periodico Surigao)

AddThis Social Bookmark Button

0 comments

Post a Comment