LIBOTER ni Gilbert A. Gorgonio, Sr. : PULIS ALERT  

Atol sa pagbukas sa klase, naihumuot kitang nasayod nga “halos zero” ang kaso nga may nabiktimang estudyante sa mga balhinuon ug kamot. Sa kadaghan ba god sa mga pulis nga gipang-destino sa iskuylahan, apil na sa mga streets nga paingon sa tunghaan atol sa pagbukas sa klase, wala gyod naka-arte ang mga gitawag ug STREET CRIMINALS. Wala gyod ta mabungol sa daghang bagulbol ug reklamo sa mga biktimang tinun-an.

Bisan gain ang trapiko, nga sagad maoy labad sa ulo sa tanan panahon nga magbukas sa klase, wa jud sa eksena. Tungod gihapon kini sa pagkatag sa mga traffic.

In short, basta gyod diay lihokon sa mga AWTORIDAD dili makaarte ang mga VERY BAD!

xxxx

Nga sa ato pa, ang pagkauso karon sa mga lungkab ug kawat, sa lain –laing kabalayan, establisamiyento ug buhatan, posibleng bunga sa NALUAG NGA AKSYON sa atong sulugoon sa balaod. Klaro man god nga ang ka-walay presensya sa mga sulugoon sa balaod dinha sa atong palibot, gipahimuslan sa mga balhiboon ug kamot. Duna man bitaw panultion nga nagkanayon: “When the cat is away the mouse will play.”

xxxx

Police visibility. Kini tingali ang angay paspasan sa atong PNP. Balikon nato nga usbon na sa pulis ang ilang sistema. Undangon na ang HULAT-ISTASYON attitude. Liboton ang AOR aron masayod ang mga dautan nga MAY PULIS, MAY PULIS diay nga nagbantay sa katawhan.

AddThis Social Bookmark Button

0 comments

Post a Comment