2 KA MILITANTENG ORGANIZERS GIDAGIT NANGITA NGA PAMILYA GIKASAB-AN SA ARMY?
Duha ka community organizers sa militanteng grupo sa PISTON ug NAMASUN ang gideklarar nga missing sa ilang mga kaparyentehan human kini gidagit niadtong miaging semana.
Apan ang pamilya sa mga biktima nga mihimo ug pakisusi ngadto sa Philippine Army gitaho nga gikasab-an hinuon.
Ang duha ka mga biktima giilang sila si Nicolas Antigulas Ug Dagani Butlig.
Sumala sa report, nagpadulong ang duruha ngadto sa Barangay Trinidad dihang kalit lang silang gidasmagan ug gidagit sa wala hiilhing grupo nga nagsakay double cab nga sakyanan alas 11:00 sa buntag niadtong Hulyo 30, 2007.
Segun sa mga nakasaksi nakit-an na lang nila ang gisakyan sa duruha didto 30th IB compound sa Bad-as, Placer, Surigao del Norte.
Kaniadtong sabado, Hulyo 7, 2007, ang mga ginikanan, igsoon ug higala sa duruha mihimo ug pakisusi didto sa 30th IB, sa Bad-as Surigao del Norte ug gisumbong ang pagkawala sa duruha ka mga biktima.
Apan, matud sa report inay tabangan sa ilang pagpangita, gikasab-an na hinoon ang maong grupo sa
Wala gyod makapugong sa iyang mga luha ang inahan ni Nicolas sa ilang nasinati didto sa buhatan sa kasundaluhan.
Gisulti sa balita, nga gawas nga gikasab-an ang mga nangadto sa headquarters sa 30th IB, pulos gikuhaan ug hulagway.
Misulay sa pagbadlong amg pipila ka mga opisyales sa barangay nga mikuyog sa grupo ngadto sa kampo, apan wala kini panumbalinga.
Wala pa hinuoy opisyal nga pamahayag ang kadagkuan sa 30th IB bahin ning maong hitabo. (Periodico Surigao)
