2 SAMDAN PAG-OVERTAKE SA MULTICAB

DUHA ANG SAMARAN human ming-overtake sa usa ka motorsiklo ang usa ka multicab atubangan gyod sa Miranda Hosipital sa siyudad sa Surigao pasado ala 10:00 ang takna sa buntag.

Parehong nasamdan sila si Samson Murillo Gordones, 64-anyos nga driver, minyo ug molupyo sa Brgy. Honrado, San Francisco, Surigao del Norte ug Charlito J. Requina, nga taga Brgy. Honrado, San Francisco usab, nga nag-angkas.

Sa ilang sumbong sa pulisya gitug-an sa duha ka mga biktima, nga samtang nagpadagan sa iyang motorsiklong motorstar nga may plate no. KP 2845 si Gordones, subay sa Kilometro 1, Surigao City, kuyog ang angkas nga si Charlito, pag-abot nila atubangan gyod sa Miranda Hospital, kalit lang nga ming-overtake ang usa ka multicab nga may plate no. LYC-988.

Sa maong pagovertake, nahagbong ang single nga motorsiklo sa aspaltong dalan ug gidali sa pagdala ngadto sa tambalanan.

Apan ang gikatingad-an sa mga biktima, kay imbes nga tabangan sila, ang multicab luyo sa nahitabo wala manumbaling, hinunua mingsibat kini paingon sa wala pa matino nga direksyon. (Jodian Jayme)