GOVERNOR MANGHATAG UG KUWARTA!
TAG-P20,000 ang ipanghatag nga mga kuwarta ni Gobernador Geraldine ”Jade” Villaroman-Ecleo, matud sa report gikan sa bag-ong lalawigan sa Dinagat.
Sa report giklaro nga ang tag P20-mil nga kuwarta ipanghatag ni gobernador Ecleo-Villaroman ngadto sa 100 ka barangays sa 7 (pito) ka mga munispyo sa probinsya sa Dinagat Islands.
Gipasabot sa report nga ang maong budget, ipanghatag isip dugang kalamboan sa kabaranggayan, ug makuha lang kini kung ang mga baranggay captains maka-sumitir na sa ilang project proposal ngadto sa buhatan sa gobernador.
Ang tagP20-mil nga ipanghatag, lahi usab kini sa P10,000.00 nga cash assistance alang gihapon sa 100 kabaranggay sa pito (7) ka munisipyo.
Gidugang sa report nga kung makit-an pa gyod sa gobernador nga klaro gyod ang mga proyekto sa mga barangay, dugangan pa gihapon niya ang iyang cash assistance alang sa kalamboan sa mga baryo. (Daracks Apole)