BREAD Magduso ug Proyekto Bahin Sa Solid Waste  

Ang Bread for Emergency Assistance and Development, Inc. (BREAD) usa ka non-government organization nga nakabasi sa Butuan City nagplano pag duso og usa ka proyekto nga nahimutang sa Dapa, Surigao del Norte sa Philippine Australian Community Assistance Program- Response Assistance Scheme (RAS). Ang maong proyekto mao ang Solid Waste Management Project nga pagasalmutan sa 13 ka mga poblacion barangay ug makabat sa 1,968 ka bubong ang makabenipisyo niini. Ang maong proyekto mahangtud sulod sa 18 ka bulan.

Ang Dapa maoy sentro sa komersyo sa tibuok isla sa Siargao ug sa pagdaghan sa populasyon gibanabana usab ang pagdaghan sa basura nga mamugna sa maong populasyon. Sa pagkakaron ang munisipyo limitado lang kayo ang iyang drainage system. Walayi sistematadong paglain sa malata ug dili malata sa mga kabalayan ug mga balay patigayon. Bisan pa, ang munisipyo dunay pagkolekta sa mga basura apan ang mga residente maglabay lang sa ilang hugaw bisan asa. Ang Dapa dunay open dumpsite nga nahimutang sa gawas sa poblacion. Apan kon kusog ang ulan ub mobaha ang mga basura moabot na sa kalsada.

Giplanohan usab sa maong proyekto ang magtukod og usa ka Material Recovery alang sa mga pwede pang mapahimuslan ug pagkakitaan nga mga basura sama sa plastic, lata, papel ug ubp.

Gibana bana nga ang tibuok proyekto kon mapatuman mokabat sa P3.8 milyones pesos. (Marx Rev Buenavidez)

AddThis Social Bookmark Button

0 comments

Post a Comment