GOB LYNDON CHAIRMAN GIHAPON SA BONOK-BONOK

MAGPADAYON ang pagka-tsirman ni kanhi gobernador Robert Lyndon Barber sa Bonok-bonok Festival.

Mao kini ang nakumpirma ni Gob Lyndon mismo kins nagklaro nga nakigstorya kaniya si Mayor Alfonso Casurra diin siya gisultian nga dugangan pa ang panahon sa pagserbisyo sa kanhi gobernador pinaagi sa pagdumala sa Bonok-bonok Festival.

Kung kahinumduman sa miaging tuig ang Bonok-bonok Festival gitawag kini ug ‘Convergence of All Festivals’ kung diin daghan ang mga lugar ang mituyo lang gyod sa pagduaw sa Surigao City aron sa pagsalmot sa maong kalihukan.

Nasayran nga ang pagpakita sa maayong liderato ni kanhi gobernador Robert Lyndon Barbers sa natad sa mga fiesta celebrations ilabina sa Bonok-bonok Festival nakatabang kini pagpabibo sa dakbayan sa Surigao.

Kung karong tuiga malaumon gihapon ang kanhi gobernador nga mosamot pa ang kabibo sa Bonok-bonok.

“Well, of course, usa pod sa butang na ako magpasalamat kang Mayor Pons Casurra (kay) giistoryahan nija ako na kun mahimo ako gihapon an Chairman based also on the registration of the Securities and Exchange Commission… that made me the Chairman up to 2011 but then again matud pa nako na kun amoy gusto nan Mayor isip mag-alagad kaniya ug suluguon sa mga Surigaonon, why not? Para man ini sa mga Surigaonon, para ini sa ato dakbayan, para ini sa ato lalawigan, so nagplastar gihapon ako and magpadajon gihapon ako. Maningkamot lamang ako… in my own capacity now as a civilian na mahimo nato nga ang atong kapistahan sama kasadya sa mga milabay na mga tuig sa atong gibuhat,” esplikar ni Gobv Lyndon.

Ang kanhi gobernador positibo nga bisan pa sa nagpadayon karon nga konstruksyon sa sports complex, magmalumposon gihapon ang kapistahan, pinaagi sa pag-abag sa City Government ubos kang Mayor Pons Casurra ug sa gobernador karon nga manghod ni Gob Lyndon nga si Gobernador Robert Ace Barbers.

“I’m sure mahimo gihapon kining magmalampuson ang atong mga plano sa umaabot na Bonok-bonok regardless sa construction diha aduna may ato stage nga pwedeng magamit kay di paman gajud mafinalize inin ground,” dugang ni Gob. Lyndon. (Periodico Surigao)