CELLPHONE GIKUOT SA UKAY-UKAY

WAGTANG ang mahalon ug imported nga cellular phone human gikuota saw ala mailhing suspek ang bag sa usa ka ginang nga nag-shopping sa ukay-ukay sa Burgos Street, Surigao City alas 2:00 ang takna sa hapon kagahapon.

Si Gng. Flora Berdin y Geraldizo, 43 anyos ang edad, minyo, lumad sa Waterpool, Mainit, Surigao del Norte, nagpatabang sa pulisya human nadiskubrehan nga nawagtang ang iyang N60 3G cellphone nga balor ug $600.00 (kapin P24-mil sa kuwarta sa Pilipinas) nga may sim # 09185628699, samtang siya nag-shopping sa Ricklyn’s ukay-ukayan sa Burgos St., Surigao City.

Ang pasiunang imbestigasyon nagbutyag nga samtang ginang nag-shopping sa Ukay-ukayan, iyang gibilin ang iyang shoulder bag sa usa ka lamesa samtang nag ukay-ukay siya sa mga baligya.

Pipila lang ka gutlo, sa iyang pagbalik, dihang iyang gihiling ang iyang bag wala na didto ang iyang bag wala na didto ang iyang cellphone. Wala poy nasayod naunsa kini pagka-wala.

Istaring na hinuon kining maong kaso sa blotter sa kapolisan. (Jodian Jayme)