P17- MIL NGA TABLA NASIKOP, MANGINGISDA GIPRESO

Nadetene karon sa Malimono Municipal Police Station ang usa ka mangingisda, human kini na-embargohon sa mokabat 180 board feet nga mga tablang lawaan nga gibanabanang mobalor kini ug P17,000.00 nga nasikop sa kapolisan sa maong lungsod 6:40 sa kabuntagon sa miaging adlaw didto sa Sitio Taytay, Brgy. Cagtinae, Malimono, Surigao del Norte.

Sa taho nga gikan sa Malimono Municipal Police Station, nagkanayon nga si Carlito Baculpo, 58; mangingisda ug lomulopyo sa nahisgutang dapit, maoy mitunga atoll sa pagsita sa kapolisan kon kinsa ang tag-iya sa maong mga tabla. Wala usab kini gikapakita nga mga papeles sa pagpamatuod sa legalidad sa pagpanag-iya sa maong mga tabla.

Ang naembargong produkto sa kalasangan, anaa karon sa kustodia sa Malimono Police Station nga nakig-koordinar na sa mga taga- DENR Provincial Office alang sa pagpasaka ug kaso batok sa suspetsado. (Noel B. Najarro)