HABAGAT CARAVAN MIBISITA SA SURIGAO ARON IPAKAYLAP ANG EXTREME SPORTS  

Usa ka press-conference ang gipasiugdahan sa Habagat kaniadtong Hulyo 10, 2007 sa Tavern Hotel, Surigao City sa may alas 6:00 sa gabii. Ang maong kalihokan isip pagpasabot kon unsa man ang extreme sports ug uban pang mga kalihokan nga pagasiugdahan niini nga anha himoon sa Bucas Grande Island.

Ang mga tinugyanan sa Habagat usa ka inilang tatak sa bag og han-ay sa mga tsinelas nianhi para ipakita sa syudad ang kanindot sa outdoor sports. Ang Habagat Caravan milibot sa tibook Pilipinas gikan pa niadtong June 29 mga gisugdan sa Dumaguete City ug pagatapuson didto sa dakbayan sa Sugbu sa August 4 para ipakita ang mga pamaagi sa gitawang nga extreme sports dili kung basketball o tennis kung dili mountain climbing og biking, trekking, hiking, ug uban pang mga extreme outdoor sports. Ang Habagat mao usab ang nagpagsiugda sa Carrera Habagat kadtong 2003 sa Siargao Island para ipakaylap ang isports sa dagat. Sa kasamtangan, nagplano ang Habagat ng usa ka dula o outdoor adventure race sa Bucas Grande ug sa Siargao Island.

Agi'g balik-tan-aw ang Habagat namugna sa tulo ka managhigala nga sila si Junx Muaña, Randy Su, og si Dindo Sugatan. Natawo ang Habagat nga tatak sa ilang produkto gikan sa ilang kasinatiang sa Baguio nabantayan nga niadtong tungora nakasinati sa hanging habagat. Ang tulo nagtaposog arkitekto og hilig sa outdoor sports, paghimo og mga gamit alang sab sa mahiligon niini labina ang mountaineers. Nagsugod ang managhigala sa P 4,500 isip pasiunang kapital, 1500 matag-usa, nagdesisyon sila na mohimo og Habagat Outdoor Equipment Inc, usa ka Bisaya na kompanya. Nagsugod sila sa usa lang ka makina sa panahi. Tungod sa kanindot ug lig-on nga pagkagama sa ilang produkto daghan ang nagkagusto niini. Dinhi nagsugod ang ilang pagsalmot sa nagkalain laing grupo nga mahiligon sa sports usa na niini ang Mountaineering Federation of the Philippines (MFP) ug pagpakiglambigit sa nga internasyonal nga mga kalihokan o mga lumba kalabot na sa extreme outdoor sports.

Agig panapos misaad ang mga ang tulo ka managhigala nga motabang sila pagbansay sa mga interesado sa exteme outdoor sports.(Marx Rev Buenavidez)

AddThis Social Bookmark Button

0 comments

Post a Comment