LAING PAGPAMUSIL SA SURIGAO NORTE; BALDADO PATAY, MENOR DE EDAD SAMDAN  

PATAY ang usa ka baldado, samtang samdan ang usa ka menor de edad human sila gipamusil sa usa ka minyo didto sa Sityo Manhuyay, Barangay Cantapoy, Malimono, Surigao del Norte alas 12:20 ang takna gabie niadtong Hunyo 28.

Ang napatay nga biktima giilang si Randy Macarine y Millapes, 33-anyos ang edad, usa ka baldado ang walang tiil. Ang samaron mao pod si Edgar Millapes y Castanes, jobless, nga taga Brgy. Matin-ao, Mainit.

Gisulti sa pulis report, nga usa ka Edwin Mellijor y Magpataoc, 33-anyos ang pagidaron, taga Brgy. Cantapoy, Malimono, ang gitudlong suspek.

Matud sa report, kalit lang ang pagpamusil nga nahitabo gamit ang wala pa matino nga armas.

Ang biktimang si Randy gitaho nga naigho ug duha ka balas a iyang ulo hinungdan sa iyang hinanaling kamatayon.

Ang laing biktima nga si Edgar naigo sa iyang liog busa gidali sa pagdala ngadto sa hospital sa Surigao City.

Human sa panghitabo, paspas nga ming sibat ang suspek paingon sa wala matino nga direksyon.

Giandam na karon ang kaso sa Malimono PNP batok sa suspek. (Periodico Surigao)

AddThis Social Bookmark Button

0 comments

Post a Comment