LAING WANTED SA MURDER NASIKOP
at Friday, July 20, 2007
Laing suspetsado sa kasong attempted murder ang nasikop sa kapolisan sa Tandag kaniadtong milabay’ng adlaw.
Si Billy Mordeno, 44 anyos, minyo ug nanimuyo sa San Agustin Sur, gidakopnni PO1 Abelardo Jacinto subay sa warrant of arrest nga gi-isyu ni RTC Judge Hermilindo Andal niadtong Hunyo 7, 2007.
Sumala sa report sa Tandag PNP, si Mordeno nasipyatan sa mga police informer didto sa Moonglow haduol sa Public Market sa Tandag.
Abtik nga mi responde ang kapolisan ug wala dangtig pipila ka minutos nasikop gilayon si Mordeno.
Sa pagsulat niining balita, nagpabilin pa ang akusado sulod sa Tandag City Jail.
Hinuon, mahimong temporaryong makagawas lang si Mordeno kon makabutang ug P100,000 nga piyansa nga gipangayo sa korte.
