Pangolekta ug Buwis sa Philnico Ipadayon – Casurra

Gatosan ka mga tawo ang mitambong sa oath-taking and installation ceremony sa siyudad sa Surigao nga gipangulohan ni Mayor Alfonso Casurra, kinsa gihatagan ug ikatulong tsansa nga maka-serbisyo sa katawhan, sugod niadtong Sabado, Hunyo 30, 2007.

Sa iyang pamahayag, gibatbat sa mayor nga sa miaging piniliay dili lalim ang iyang kahago. Wala makapugong ang alkalde ug iyang gipahungaw ang kahiubos niya sa ubang mga magtutudlo tungod sa gihimong ‘dagdag-bawas’.

Sumala sa mayor, luyo sa mga pangdaut sa iyang personalidad, wala gihapon siya matandog sanglit masaligon siya nga ang Ginoo midapig kaniya ug nagmadaugon siya tungod sa iyang pagsalig sa Ginoo.

“Ang Ginoo maoy nagtabang kanako ug nagmadaugon ako sa akong mga kaaway. Mas maayo ang pagdangop sa Ginoo kaysa sa pagsalig sa tawo,” asoy sa mayor.

Si Casurra nag-awhag sa mga Surigaonon nga magtinabangay alang sa kalambuan.

“Let us live together and work together. We must once again have full faith in our local government and in one another.”

Gidugang ni Casurra nga masaligon siya nga ang iyang panggobyerno karon mas mulambo pa.

“Our commitment is to increase the revenue and income (of our city). We must provide jobs to the jobless. We must work together to increase the agricultural productivity and marine resources in the city.”

Sa maong okasyon, gibatbat sa mayor ang iyang dakong tinguha sa pagkolekta sa buhis sa PHILNICO nga sa iyang giingon wala pa gihapon bayri.

“And this is something that we will pursue with the hard degree of boldness from the government side,” dason sa mayor nga ipasalig nga ipadayon gayod niya ang pribatisasyon sa Nonoc Mining Corporation. (Periodico Surigao)