SURIGAO GI-ALERTO BATOK DENGUE  

GI-ALERTO karon ang katawhan sa Surigao City ug Surigao del Norte batok sa posibleng pagdagsang sa sakit nga dengue.

Adunay walo na ka mga biktima ang gitaho nga nasulod sa Caraga Regional Hospital human nga nabiktima sa dengue di pa dugay.

Apil sa mga apektado sa dengue ang mga mosunod: Brgy. Nabago, 3 ka kaso; Brgy. Washington, 1; Cayutan, 1; Brgy. San Jose, 1; Brgy. Luna, 1; ug San Juan usa pod ka kaso.

Tungod niini nga mga kaso nanawagan si Mr. Albert Lancin sa City Health Office nga magmaninantayon gyod ilabina sa mga nahisgutang lugar.

Gipasabot ni Lancin nga kinahanglang manglimpyo gyod ang katawhan sa palibot sa balay, ug sigurohon nga ang mga lata nga walay sulod ug mga bagol sa gibuak nga mga kinahanglan kulbon aron dili puy-an sa lamok nga nagdala sa dengue.

Ang taga City Health nagpahimangno pod bias sa mga vulcanizaing shops nga magbantay gyod nga ang ligid dili himoong puy-anan sa lamok. (Marx Rev Buenavidez/Periodico Surigao)

AddThis Social Bookmark Button

0 comments

Post a Comment