Sa Surigao City: Kulang Tunghaan Numero Uno Nga Problema
NAG-UNANG PROBLEMA hangtud karon sa dakbayan sa Surigao ang kakulang sa mga balay-tunghaan alang sa mga kabataan.
Nakumpirma mismo ni city mayor Alfonso Casurra nga ang numero unong problema sa mga eskwelahan mao gihapon ang kakulang sa mga classrooms.
Tungod niini, nanganti ang mayor nga paspasan gyod ang pagkolekta sa mga buluhisan gikan sa lain-laing mga taxpayers sa
Ang gitumbok ni Mayor Casurra mao ang pagkolekta sa mga buluhisan sa Philnico diin ang uno por ciento niini maoy gamiton alang sa pagbayad sa mga School Board Teachers ug sa mga proyekto sa edukasyon.
“Ang una gyud nga problema, perennial man ni nga problema mao ang classroom shortage u gang pagrepair sa mga gubaon sa mga classrooms. Sa pagkakaron gihinay-hinay na namo kini ug gain lagi nga among gipaspasan ang pangolekta sa real property tax sa Philnico kay nahibalo man kamo nga ang 1% ga makolekta nato sa Real Property Tax goes to school Board Fund. So, kung madaku-daku ang makolekta nato sa Real Property daku-dako usab ang atong share sa School Board Fund,” asoy ni Casurra.
Gipasabot ni Casurra nga sugod karong Hulyo nag-andam na sila ug pipila ka mga lakang aron mapadako pa ang panudlanan sa siyudad.
Gipaningkamutan sa Mayor nga mahatagan gayod ug ensaktong suporta sa dakbayan sa Surigao ang problema sa Edukasyon aron gayod makabaton ang dakbayan ug de kalidad nga mga graduates. (Periodico Surigao)
