Malampuson nga gipahigayon ang tinuig nga selebrasyon sa Bonok-bonok Marajaw Karajaw Festival nga gipasiugdahan sa siyudad sa Surigao ug inabagan sa probinsya sa Surigao del Norte niadtong Lunes Septembre 10.
Pito ka mga contingents ang ming-apil gikan sa mga nagkalain-laing lugar sa Mindanao.
Usa na niini ang contingent gikan sa Balingasag, Misamis Oriental, apil usab ang contingent gikan sa syudad sa Butuan, Jabonga sa Agusan del Norte ug Cabadbaran City.
Ming-apil usab ang Surigao City Pilot School, Surigao del Norte National High School ug ang defending champion sa niaging tuig ang lungsod sa Bacuag diin ang ilang ABC President kanhi ug karon Mayor nga si Shiela Mae Orquina-Cebedo maoy nangunay sa pagsayaw sa maong kumpetisyon.
Ug sama sa gilauman, ang gikahadlukan nga Bacuag contingent mao gihapon ang nakakuha sa kampiyonato sa Bonok-bonok Festival.
Dugang niini ila pod nakuha ang pasidungog sa Best in Costume and Props, ug Best in Choreography.
Nakakuha pod sa ikaduhang ganti ang Surigao del Norte National High School Contingent samtang ang lungsod sa Jabonga, Agusan del Norte ang ikatulo, dugang niini ila pod nakuha ang pasidungog nga Best in Musicality.
Ang ikaupat nga ganti nakuha pod sa Surigao City Pilot School. Miapil usab ang Surigao Education Center isip guest performer sa maong Festival. Dako kaayo ang pasalamat sa mga organizers sa pagsalmot sa mga silingan nga dapit.
akoato sa Bonok-bonGitapos ang selebrasyon sa usa fireworks display tungod sa may City Hall. (FEA/Periodico Surigao)
