Pangawat Sa Menor De Edad Padayon

NAGPADAYON KARON ang kaso sa pagpangawat nga hinimoan sa mga menor de edad sa lain-laing dapit sa Surigao City.

Nasuta kini sa nadakpang mga suspek sa kawat sa dakbayan.

Niadtong usa ka adlaw, gi-indorsar mismo ni Inspector Tamayo ug Inspector Sabordo, ang usa ka menor de edad nga suspek nga gitudlong maoy tigpanguot sa lain-laing kadalanan sa dakbayan.

Ang suspek giila lang sa ngalang alyas Gilbert taga Barangay San Juan, nga nakuhaan ug hunting knife dihang nadakpan sa mga pulis.

Narekober pod sa pulisya ang usa ka cellphone N7360 with camera nga dihang gipangutana kung may mga papeles ba kini, walay gikapakita ang dinakpan.

Ang dinakpan gitakdang itunol ngadto sa DSWD. (Jodian Jayme)