Patay Nakit-an Sa Baybay Sa Malimono

Usa ka wala hiilhing patay nga lawas sa usa ka lalaki ang napalgan didto sa kabaybayonan sa Brgy. Hanagdong, Malimono, Surigao del Norte, alas 9:00 sa buntag niadtong miaging adlaw.

Sa taho sa Malimono Municipal Police Station gibutayg nga ang patay nagsul-ob ug maong nga karsones ug wala na kini sapot pang-itaas. Gibana-bana kining may 5’7” ang gitas-on, apan dili na madetermina ang panuigon tungod kay anaa kini sa estado sa pagkadunot (state of decomposition).

Ang patay gisusi sa taga-Rural Health Unit pinangulohan ni Dr. Meriam S. Florita ug napalgang wala kini timailhan nga gipanamastamasan.

Gilubong ang patay sa Brgy. Cemetery alas 5:00 sa hapon aron dili kini mamahimong hinungdan sa kontaminasyon. (Noel B. Najarro)