Sa Brgy. San Juan, 40 –Anyos Patay sa Dunggab  

PATAY GYOD ang 40-anyos nga construction worker human siya gidunggab sa usa ka 19-anyos nga vendor didto sa barangay San Juan, Surigao City alas 9:30 sa gabie niadtong Septembre 8.

Gidali unta sa pagdala ngadto sa Caraga Regional Hospital si PEDRO DAMING y FERMILAN, 40-anyos, minyo ng construction worker human kini gidunggab sa usa ka JULIO MANGUILOMOTAN y PEÑALOSA, 19-anyos nga ulitawong vendor kinsa lumad sa Toledo City, Cebu ug nanimuyo na karon sa San Juan.

Ang dinuggabay nahitabo didto sa Purok 12, Brgy. San Juan, Surigao City samtang nagkalalis ang suspek ug biktima sa wala asayring hinungdan.

Naigo sa dughan ang biktima busa gidali kini pagdala ngadto sa Caraga Regional Hospital, apan igo lang kining gidelara nga Dead On Arrival.

Ang patay’ng lawas sa biktima anaa karon sa morgue alang sa gikinahanglang post mortem examination. (Jodian Jayme)

AddThis Social Bookmark Button

0 comments

Post a Comment