Bantay Kamo Salisi Gang Uso Sa Surigao

Pagbantay gyod kamo. Ayaw ug kumpiyansa. Mao kini ang pahimangno sa mga awtoridad ngadto sa publiko kagahapon, human makumpirma ang pag-atake karon sa Surigao City sa giingon “mangtas nga kawatan” – ang SALISI GANG.

Kining maong pundok sa kawatan, mo-atake bisan daghang tawo, ug bisan kung adunay mag-tan-aw. Usa ka Desideria Café UY, 46-anyos ang edad, ang nagpatabang sa pulisya human siya gibiktima sa SALISI GANG taliwala sa daghan tawo ug ubay-ubay nga mag nanan-aw didto sa AGFA stalls, Luneta Arcade, Surigao City.

Sa iyang asoy sa kapulisan, gibutyag ni Desideria Café Uy, 46-anyos, dalaga, ug lumad sa Purok 1 Bad-as, Placer, Surrigao Del Norte nga bisan daghan tawo, kalit lang nawala ang iyang LAPTOP COMPAQ nga gipatong sa lamesa sa AGFA.

Sa iyang sumbong giasoy sa biktima, nga samtang nagkapuliki siya sa paghikay sa. Iyang tuyo sa AGFA {nag-padevelop ug retrato ang biltima}, ang iyang gipatong sa ibabaw sa salamin nga cabinet ang iyang laptop computer alas 11:30 ang takna sa buntag niaging adlaw.

Gisulti sa ginang, wala gyod niya namatngoni kung sa unsang pagkahitaboa nga kalit man lang nawala ang iyang computer sa ibabaw sa estante. Gituohan nga mga sakop sa SALISI GANG ang abtik nga mipunit sa maong computer.

Luyo sa kadaghang tawo, walay nakamatikod kinsa ang mikawat sa maong computer. Hinuonm gi-alerto na karom sa Pulis Surigao ang mga sakop niini aron panid-an gyod Ug mayo sng tibuok dakbayan, ug subayon kang kinsang grupo na usab sa SALISI GANG ang nanghasi karon sa dakbayan. (Jodian Jayme/Periodico Vismin News Network Surigao City)