Sa Surigao City: Lalaki Nagbilar Gipatay Pod  

PATAY ang usa ka lalaki human gidunggab tungod sa panaglalis samtang nagbilar sa usa ka patay didto sa Purok 2, Brgy. Cabongbongan, Surigao City, alas 12:20 ang takna sa kaadlawon niadtong usa ka adlaw.

Ang biktima giilang si Gregorio Alutaya Lawag, 39-anyos ang edad, minyo, usa ka mag-uuma ug molupyo sa Purok 3, Brgy. Himamaug, Tagana-an, Surigao del Norte.

Ang suspek, giila pod sa pulis report nga mao si Elito Rosa Bagyas, taga Purok 3, Brgy. Cabongbongan, Surigao City.

Matud sa pulis report, nagbilar ang biktima didto sa pinuy-anan sa mga Escrupolo, dihang gika-engkuwentro, namatikdan ang grabeng lalis sa suspek ug biktima, nga mirsulta sa pagpanunggab.

Bisan samaran, nakadagan pa gihapon ang biktima sa gawas, apan natumba ra usab kini dayon pag-abot sa unahan ug namatay.

Pagtan-aw nga namatay na ang iyang biktima, mikalit lang pod ug sibat ang suspek paingon sa wala matino nga direksyon.

May report hinuon nga nagtumbok nga posibleng misakay ug usa ka bangka ang suspek aron maka-eskapo sa krimen nga iyang nahimo.

Pakyas ang mga awtoridad sa pagpangita sa suspek. (Jodian Jayme)

AddThis Social Bookmark Button

0 comments

Post a Comment