Gidakop Tungod Sa Liba-liba  

Tulo gayod ang arestado human matud pa nasakpan nga nangisda gamit ang illegal nga panagat didto sa kadagatan sa lungsod sa Gigaquit, Surigao del Norte alas 12:10 ang takna sa udto niadtong usa ka adlaw, Nobyembre 29.

Giila sa Pulis Gigaquit ang mga dinakpan nga sila si ANDO BAJAN Y BEILING, 26-anyos, ulitawo; JORDAN BAJAN Y BELING, 22-ANYOS; UG ROMNICK BAJAN Y BELING, 21 anyos ang edad, mga molupyo sa Brgy, Ipil, Placer, Surigao del Norte.

Sumala sa spot report, ang mga sakop sa Pulis-Gigaquit, nga gipangulohan ni PO3 RAYMUNDO DUMANIG, nagpatrolya sa kadagatan sa Gigaquit, dihang nasipyatan nila ang usa ka grupo sa mga mananagat nga nagsige ug pangisda.

Ang dinakpang mananagat, giingong naaktohan gayod nga mananagat gamit ang liba-liba, sakay sa pump boat panagatan nga gipanag-iya sa usa ka JOHN(wala matino ang matuod nga ngalan), apan giklarong taga Brgy. Navarro Dinagat, Province of Dinagat.

Sa maong operasyon, nasakmit sa pulis ang pump boat nga gigamit sa mga mananagat, u gang ilegal nga matang sa panagat.

Giandam na ang tukmang kaso batok sa mga dinakpan.

AddThis Social Bookmark Button

0 comments

Post a Comment