Kapitolyo Nangandam na para sa “Oplan Limpyo”  

NAGPADAYON karon ang preparasyon sa Gobyernong Probinsyal sa Surigao del Norte alang sa gitakdang dakong launching sa proyektong Oplan Limpyo Kapitolyo, didto mismo sa provincial capitol sa Surigao del Norte sa dili madugay.

Subay sa mando ni Gobernador ROBERT ACE S. BARBERS, nagpatawag ug usa ka tigom ang Public Environment and Management Office (PEMO) didto sa sulod sa Provincial Admin. Conference Room, aron tukion ang preparasyon para sa launching sa Oplan Limpyo Kapitolyo, usa ka proyekto nga nagtumong sa pagpalihok sa tanang empleyado sa gobyernong probinsyal aron mosalmot sa pagpanglimpyo sa ilang palibot.

Tumong usan niini ang pag-implementar sa nagkalain-laing balaod mahitungod na sa sakto nga paghipos, paglabay sa mga basura, pagpanigarilyo ug uban pa.

Apil sa proyekto, dili lang ang mga empleyado sa local nga gobyerno, kondili apil usab ang mga nag-alagad sa mga ahensiya sa national nga kagamhanan.

Bisan gani ang mga nanimuyo sa likod sa Convention Center, PAG-ASA ug uban pang sikbit nga dapit, paapilon sa briefing alang sa paglimpyo sa capitol.

Nanghinaut hinuon karon si ginoong Antonieto Charcos PEMO Chief nga mahatagan ug igong panahon ug kooperasyon sa mga lungsoranon ang OPLAN LIMPYO KAPITOLYO.

AddThis Social Bookmark Button

1 comments

Post a Comment