Libreng Health Cards sa 19-mil ka Surigaonon  

MAY PHILHEALTH CARDS na gyod ang kinatibuk-ang 19,064 ka mga Surigaonon.

P7.8-milyon gyod ang gigahin ni district 2 Congressman Guillermo Romarate alang sa gipang-apod-apod nga mga philhealth cards para sa mga Surigaonon atol sa usa ka seremonya sa Gateway Hotel, Surigao City di pa dugay.

Mismong si Romarate, inabagan ni Rodrigo Ariar, Philhealth Surigao Field Office Branch Manager ang nangapod-apod sa mga philhealth cards ngadto sa 19,064 ka mga Surigaonon, pinaagi usab sa ilang mga mayors nga gipangtawag sa congressman aron maoy modawat sa health cards.

Gikumpirmar ni Ariar nga P7.8 Million ang gigahin gikan sa PDAF ni Romarate alang lang sa mga health cards.

Ang maong philhealth cards, epektibo ug mapahimuslan sa katawhan gikan sa tibuok tuig 2007 ug ngadto na sa Dec. 31, 2008.

Apil sa nakadawat ug philhealth cards ni Romarate ang mga dapit sa Surigao City (7,052 cards); Bacuag nga adunay 806 enrollees; Claver, 950 cards; Gigaquit, 1,248 cards; Mainit, 1,285 cards; Malimono, 1,794 cards; Placer, 1,640 cards; ug Tagana-an, 1,777 cards.

“With their philhealth cards, beneficiaries will be able to avail of the health care services from accredited RHU’s in their areas and from any accredited hospitals” asoy sa philhealth manager.

AddThis Social Bookmark Button

1 comments

  • tagabilangbilang  
    December 17, 2007 at 5:07 PM

    Oi kagana ba nan ini na balita. Tinood ba ini? puede mangutana kon sin tanan tawo diha sa Surigao makadawat nan inin health card or pinili ra or my mga priorities ra an makadawat.

Post a Comment