Butuan, Surigao ‘Best PNP’ Awardees; SurSur Best Mobile Group

Hingpit nang gipangandam sa Police Regional Office 13, Campo Rafael C. Rodriquez, Libertad Butuan City, ang ika-17 nga anibersaryo sa Philippine National Police karong Pebrero 1(lunes), nga ipahigayon alas 8:00 sa buntag sa RHQ Grandstand, ning campo. Ang pinasidunggang bisita ug mamumulong alang sa maong okasyon mao si Police Deputy Director Gen. Emmanuel R. Carta, ang Chief Directorial Staff sa Campo Crame, iyang hisgutan ang temang: “Mamang Pulis, Tagapagtaguyod ng Karapatang Pantao tungo sa Kapanatagan ng Mamayan."

Atol usab sa maong kalihokan, pipila ka mga buhatan ug individual nga mga pulis ang mahatagan sa mga pasidungog, ang ‘Best Provincial/City Police Office of the year Award’ madawat sa Butuan City Police Office, ubos sa kadumalahan ni PSSupt. Admirante D. Josue, makuha usab sa Surigao City Police Station, ubos sa pagdumala ni PSupt. Francisco Dungo, ang "Best City Police Station Award.’’ Ang “Best Municipal Police Station Award,” maangkon usab sa Tubod Municipal Police Station, Tubod, Surigao del Norte, ug ang “Best Provincial Police Mobile Group of the Year Award,” maangkon sa 1406th Provincial Police Mobile Group sa Surigao del Sur samtang ang “Best Regional Administrative, Support Unit of the Year Award,” makuha sa Regional Finance Service Office.

Ang mga individual awardees mag-apil nila ni Police Senior Supt. Benson D. Leleng, isip “Señor Police Commissioned Officer of the Year,” Police Insp. Jeffrey S. Tamayo, isip “Junior Police Commissioned Officer of the Year,” SPO4 Ellaquim F. Villahermosa isip “Police Senior Non-Commisssioned OIfficer of the Year,” PO3 Jay Virgil O. Calo, isip “Junior Police Non-CommisssionedOfficer of the Year,” ug usa ka Special Award alang kang SPO1 Anna Liza Balla Cotiangco.