Surigao Nangusog Batok Kunhod IRA
GILAUMANG MOSUPORTA sa pagkahimong syudad sa tulo ka mga dagkong munisipyo sa Caraga Region, ang Surigao City, usa na hinuon karon sa nag-unang kritiko ug hugot nga misupak sa pagkahimong bag-ong mga dakbayan sa dapit sa Cabadbaran, Agusan del Norte, Bayugan, Agusan del Sur ug Tandag, Surigao del Sur.
Si Surigao City Mayor Alfonso Casurra, nga maoy executive vice president sa League of Cities in the Philippines (LCP), hugot karong nagampanya nga babagan gyod ang pagkahimong syudad sa kapin 18 ka mga munispyo sa lain-laing dapit sa Pilipinas.
Ang mga gikwestyon nga mga lungsod nga gihimong syudad niadtong miaging tuig mao kining mga musonod: Baybay, Leyte; Tayabas, Quezon; Borongan, Eastern Samar; Bayugan, Agusand del Sur; Cabadbaran, Agusan del Norte; Bogo and Carcar, Cebu; Catbalogan, Samar; Tandag, Surigao del Sur; Lamitan, Basilan; El Salvador, Misamis Oriental; Mati, Davao Oriental; Batac, Ilocos Norte; and Tabuk, Kalinga.
Sumala pa ni Mayor Casurra nga 31 million pesos ang nakunhod dinhi sa siyudad sa Surigao. Luyo sa iyang pagbabag giklaro lamang ni Casurra nga dili siya kontra nga mamahimo silang dakbayan, “as long as they meet the minimum requirement.”
Matod pa nga ang munisipyo nga ma converter ngadto sa pagka siyudad, kinahanglan nga nahisubay sila sa 3 ka mga rekisitos. Kini mao ang income nga motatak na ngadto sa P100 million local generated fund, may 150,000 nga population ug 100 square kilometers ang land area.
